Апарламент апленартә аилатәараҿы ишырыӡбаз ала,  2003-2012 шықәсқәа рзы иҟаз арежими, ари арежим аполитикатә усзуҩцәеи, иара убас, усҟантәи ачынуааи роуранагӡара ҭызҵаауа аамҭалатәи Аусеилыргаратә комиссиа азинмчы аҿҳәара мызкы ацҵоуп.

Ари аӡбара рыдыркылаанӡа, акомиссиа ахантәаҩы Ҭеа Ҵулукиани апленартә аилатәараҿы, акомиссиа аусура иазку абажьаратә аҳасабырба цәырылгеит.

Аҳасабырбаҿы ишазәгаҭоу ала,  2025 шықәса мшаҧы 27 рзы иҟоу аҭагылазаашьа ала, Аусеилыргаратә комиссиа иалагалоуп  397 арзаҳалқәа, урҭ рҟынтә  307 арзаҳалқәа аус рыдырулахьеит.

«Акомиссиа алкаа – усҟан абас атәыла анапхгара азҭоз ахаҿқәеи иахьагьы ҳтәыла аҩныҵҟагьы анҭыҵгьы Қырҭтәыла иаҧырхагоу аполитикатә усзуҩцәеи ҳаҧхьаҟа аполитика алахәызаара азин рымхразы  шьаҭас иҟалароуп. Ари аусура мҩаҧгатәуп.  Ҳара,  «Ақырҭуа гәахәтәы», ари аусура аҵыхәанӡа инаҳгоит», — илҳәеит Ҵулукиани.