Ақырҭуа жәлар Евроеидгылахь аинтеграциа иадгылоит, аиҳабырақәеи аполитикатә елита алахәылацәеи ари алҵшәа аиуразы аџьаба ду рбеит, урҭ рҟынтә иалукааша уажәы абахҭа дҭакуп, Қырҭтәыла ахԥатәи ахада Михеил Саакашвили, – ари атәы аалыцҳаит Европарламент алахәыла Анна Фотыга Европарламент имҩаԥгаз адебатқәа раан.

Анна Фотыга Европарламент ахь ааԥхьара ҟалҵеит Қырҭтәылеи Украинеи, Молдовеи акандидат статус ранаршьарц.

“Урҭ рҟынтә иалукааша ауаа уажәы абахҭа иҭакуп – Қырҭтәыла ахԥатәи ахада Михеил Саакашвили, Ника Гварамиа. Иҭакра иахьатәи адебатқәа рҿы зҵаара хаданы иқәгылоуп. Уи, ҳара ҳахь, иҩызцәа рахь ааԥхьара ҟаиҵеит, атәыла акандидат статус аҳҭарц, Қырҭтәыла апостсоветтә аӡмах аҿы иаанымхар азы.

Шәара шәахь ааԥхьара ҟасҵоит Қырҭтәылеи Украинеи, Молдовеи акандидат статус ранашәшьарц,” – илҳәеит Фотыга данықәгылоз.