2023 шықәса жәабран 16 рзы Ауаҩытәыҩса изинқәа рзы европатәи аӡбарҭа аус азы “Очигава Қырҭтәыла даҿагыланы” аӡбара аланарҵәеит. Уи ала иубарҭоуп 2012 шықәсанӡа Қырҭтәыла апенитенциартә системаҿ аргәаҟра асистематә сахьа шамаз. Ари атәы аарыцҳаит Аиустициа аминистрра аҟынтә.

“Европатәи аӡбарҭа аднакылаз аӡбара шьаҭас амоуп аӡбарҭа адыргалаз Акаки Очигава ишшыԥхьыӡи, Жәлар рыхьчаҩи иҳәынҭқарратәым аиҿкаарақәеи, CPT-и, Европа ахеилак апарламенттә ассамблеиа афактқәа раарԥшратә визитқәеи раан иҟаҵоу аргәаҟреи ауаҩытәыҩса иҟазшьа иацәтәым ахымҩаԥгашьеи аӡбарҭа адыргалаз аргәаҟреи ауаҩытәыҩса иҟазшьа иацәтәым ахымҩаԥгашьеи ирызку  рҳасабырбақәеи.

Страсбург аӡбара ала иубарҭоуп Қырҭтәыла абахаа аргәаҟра асистематә сахьа шамаз”, – иануп аминистрра аҳәамҭа аҿы.

“Очигава иус иазкны ишьақәырӷәӷәан 2011 шықәса абҵаразы уи дшырыԥҟаз, ари иахҟьаны ибӷабаҩ ааха аиун, аныҟәара алшара ицәыӡит. Ари афакт ашьҭахь уи изныкымкәа иҵегьы дрыԥҟеит. Аргәаҟраан уи изныкымкәа игәы маҷхеит, уи ашьҭахь аԥсцәа ахьыҟаз абахҭатә морг аҿы  арадиатор дадҿаҳәалан. 2014 шықәса хәажәкыра 28 инаркны ари ауаҩы зылшарақәа ԥкәу хаҿыс дыԥхьаӡоуп.

Ари зегьы иазыԥхьагәаҭаны, Европатәи аӡбарҭа шьақәнарӷәӷәеит уи Глдантәи абахҭаҿ дшыргәаҟәаз, аргәаҟра асистематә сахьа шамаз.

Аӡбарҭа аӡбара инақәыршәаны, аҳәынҭқарра аҟынтә ашшыԥхьыӡ алазҵаз атәылауаҩы акомпенациа аҳасаб ала 20 000 евро иоуроуп”, – иануп аинформациа аҿы.