Иахьа Ваке апаркаҿ афымца зысыз  зықәра наӡам рҟынтәи аӡә дыҧсит. Ари атәы аарыцҳаит Хечинашвили ихьӡ зху ауниверситеттә клиника аҟынтәи.

Аҳақьыи ишиҳәаз ала,  13 шықәса зхыҵуаз аӡҕаб аклиникашҟа даннарга лгәы аангылахьан.

«13 шықәса зхыҵуаз ҩыџьа ахәыҷқәа ааргеит. Раҧхьатәи апациент  иҭагылазаашьа аҭышәынтәалара ҳалшеит,  иара ахәыҷтәы клиникашҟа  диагоуп.

Егьи апациент,  13 шықәса зхыҵуаз аӡҕаб аклиникашҟа даннарга лгәы аангылахьан. Ареанимациатә уснагӡатәқәа лмыхәеит», — иҳәеит аҳақьым.

Аларҵәара зуз аинформациала, Ваке апаркаҿ ихәмаруаз ахәыҷқәа рымпыл аӡыршә иҭаҳаит. Ампыл анҭыргоз хҩык ахәыҷқәа афымца рысит.  Ҩыџьа ахәыҷқәа зыҧшра ҟамҵакәа ахәышәтәырҭашҟа инаган.

Аҩныҵҟатәи аусқәа рминистрра аусеилыргара иалагеит Қырҭтәыла Ашьауҕатә закәанеидкыла 240-тәи ахәҭаҷ ала  —  афымцеи, аҧхарратә енергиеи, агази, анефҭи, анефҭаалыҵи аобиектқәа рҿы ашәарҭадара апҟрақәа реилагаразы.