Адәныҟатәи аусқәа рминистрра – Қырҭтәыла Евроеидгыла арҭбаара афоруми аимадара аминистериали рахь иахәҭоу аҩаӡараҟны ааҧхьара амоуит, убри аҟынтә, Қырҭтәыла ахаҭарнак арҭ аусмҩаҧгатәқәа ихы рылеихәом

09:59, 16.11.2026

Абҵара 16 рзы Бриуссель имҩаҧысраны иҟоу аусмҩаҧгатәқәа, урҭ рыгәҭа аимадара аминистериалгьы, рҽалархәразы Қырҭтәыла иахәҭоу аҩаӡараҟны ааҧхьара амоуит, убри аҟынтә,  Қырҭтәыла ахаҭарнак арҭ аусмҩаҧгатәқәа ихы рылеихәом, – ирҳәеит Қырҭтәыла Адәныҟатәи аусқәа рминистрраҿы.

„Қырҭтәыла, ҧасеиҧш, Евроеидгылаҟны аконструктивтә усеицура иазҿлымҳауп, иахәҭоу аҩаӡараҟны ааҧхьара аиур, аусмҩаҧгатәқәа рылахәызаара иазыхиоуп. Бриуссель ари атәы рдыруеит“,- ирҳәеит аминистрраҿы.

Иахьа Бриуссель Евроеидгыла арҭбаара афоруми аимадареи ашәарҭадареи рызҵаарақәа рзы аминистериали мҩаҧысуеит.

Еиԥшу