Идуӡӡоу азиатәи авиаеилахәырақәа иреиу  — IndiGo —  Қырҭтәылаҿ ахырхарҭа ҿыц аанартуеит. Нанҳәа 2 инаркны  IndiGo, мчыбжьыкахь хынтә, Мумбаинтә Қарҭҟа ареисқәа мҩаҧнагоит.

Қырҭтәыла Аҳаирбаҕәазақәа реидгыла ахылаҧшратә хеилак ахантәаҩы Ҭамар Иоселиани лҳәамҭала, ари ахырхарҭала аҳаиртә аимадара 2 тәылак рыбжьара атуристтәи, аустәи, акультуратәи еизыҟазаашьақәа рырҕәҕәара иацхраауеит.

«Нанҳәа 2 инаркны, идуӡӡоу индиатәи  авиаеилахәыра  IndiGo, мчыбжьыкахь хынтә, Мумбаинтә Қарҭҟа ареисқәа мҩаҧнагоит. Уи Дели анеҩс, Индиаҟны аҩбатәи аҳаиртә аимадароуп.  Мумбаи идуӡӡоу индиатәи аекономикатәи акультуратәи центруп.  Ҳәарада, ари ахырхарҭала аҳаиртә аимадара 2 тәылак рыбжьара атуристтәи, аустәи, акультуратәи еизыҟазаашьақәа рырҕәҕәара иацхраауеит», — илҳәеит Ҭамар  Иоселиани.

Астатистика инақәыршәаны,  2025 шықәса ажьырныҳәа инаркны рашәара иналаҧхьаӡаны,  ишиашо ареисқәа рыла Индиантә Қырҭтәыла иаҭааит  56 241ҩык апассаџьырцәа.   2024 шықәса иашьашәалоу аамҭа иаҿаҳарҧшыр, апассаџьырцәа рхыҧхьаӡара иазҳаит  123%-ла.