Gürcüstanın xarici işlər naziri Davit Zalkaliani Litva Prezidenti Qitanas Nauseda ilə görüşüb. Görüşdə Vilnüsün Gürcüstana güclü dəstəyi vurğulanıb. Bu barədə Gürcüstan Xarici İşlər Nazirliyi məlumat yayıb.

Gürcüstanın baş nazirinin müavini, xarici işlər naziri Davit Zalkaliani Litvaya rəsmi səfəri çərçivəsində bu ölkənin prezidenti Qitanas Nauseda ilə görüşüb. Bu barədə Gürcüstan Xarici İşlər Nazirliyi məlumat yayıb.

Agentliyin məlumatına görə, prezidentlə görüşdə Litvanın Gürcüstanın suverenliyi, ərazi bütövlüyü və ölkənin Avroatlantik inteqrasiya prosesinə güclü dəstəyi vurğulanıb.

Eyni zamanda, Xarici İşlər Nazirliyinin məlumatına görə, mövcud təhlükəsizlik mühitinə və Rusiya ilə davam edən dialoqa xüsusi diqqət yetirilərək, tərəfdaş ölkələrin Gürcüstan və Ukraynanın istəklərini dəstəkləmək üçün güclü mövqeyi bir daha vurğulanıb.

Prezidentlə görüşdə Gürcüstanın Avropaya inteqrasiyasının gündəmi müzakirə edilib, Şərq Tərəfdaşlığı Sammiti və onun nəticələri bir daha müsbət qiymətləndirilib ki, bu da tərəflərin fikrincə, Gürcüstan cəmiyyətinə nəzərəçarpacaq nəticələr verəcək.

Gürcüstanın Cənubi Qafqazda sülh təşəbbüsünə diqqət çəkən Litva Prezidenti Gürcüstanın Baş nazirinin BMT tribunasından səsləndirdiyi və regionda davamlı sülh prosesini təşviq etmək məqsədi daşıyan təşəbbüsü alqışlayıb.

Tərəflər Gürcüstanın işğal olunmuş rayonlarında vəziyyət və Rusiya Federasiyasının həm humanitar, həm də təhlükəsizlik mühitinə ciddi təsir göstərən qanunsuz hərəkətlərini nəzərdən keçiriblər.

Gürcüstanın baş nazirinin müavini Litva Prezidentinə Gürcüstana rəsmi səfərində əksini tapan Gürcüstana göstərdiyi dəstəyə görə təşəkkür edib.