Руставелийы проспектыл  акцийы  быцæудзинады рæстæджы  Гуырдзыстоны Фыццаг Каналы оператор Илиа Твалиашвили  фæцæф ис, – уый фæдыл бынатæй хъусын кæны Гуырдзыстоны Фыццаг Каналы журналист.

Журналист куыд дзуры афтæмæй,  «Тбилиси прайды»  ныхмæлæуджытæ  журналистты æрдæм   тынг агрессивон  ахаст дардтой  æмæ  сын нæ дæттой кусыны фадат.  Йæ ныхæстæм гæсгæ,    медийы  минæвæрттæм лæбурды рæстæджы,   журналисттæ æмæ  оператортæ  Руставелийы проспектæй  сæхи райстой  патрулон пъæлицæй  хæдтулгæты æххуысæй,  уымæн  æмæ акцийы  хайадисджытæ  медийы  минæвæрттыл дуртæ æмæ  лæдзгуытæ æхстой.

Бынатыл Гуырдзыстоны Фыццаг Каналы  цалдæр  исæг корд кусы. Ацийы  хайадисджытæ  Кашуеты  аргъуаны цур  сты, цы ран хъуамæ ацæуа   знон Патриархи  цы  скуывды тыххæй райхъусын кодта,  уый.  Акцийы  хайадисджытæ  хъусын кæнынц, цæмæй нæ бауадздзысты  «Тбилиси прайды»  ауадзын.

Уыимæ иумæ, æдасдзинады мадзæлтты тыххæй,  быцæу фарсытæ фæхицæн кæныны нысанæн патрулон пъæлицæй  территори сыхгæдта  удæгас рæхысгæнгæйæ.