Гуырдзыстоны Фыццаг Къаналы музыкалон мегашоу «Халхури»-йы уæлахиздзау ссис ансамбль «Шемодзахили». Уæлахиздзауы ном рабæрæг абоны кæронбæттæн равдысты.

Проекты уæлахиздзау ансамбль Гуырдзыстоны номæй ацæудзæн Рудольштадтмæ, сеппæтæй престижон адæмон музыкæйы фестивалмæ.

Уæлахиздзауы равзæрста сæрмагонд жюри, кæцыйы сконды уыдысты Цинцадзе Дато, Гегешидзе Тамар, Чиквиладзе Михеил æмæ Цирамуа Теона.

«Халхури» у уникалон националон проект, кæцыйы хайад исынц адæмон зарæг æмæ кафты ансамбльтæ, бинонтæ æмæ хицæн æххæстгæнджытæ æппæт Гуырдзыстонæй.

40 конкурсант æппæт Гуырдзыстонæй æвзæрст æрцыд проектæн. Уыдонæй 20 конкурсанты ахызтысты æрдæгфиналмæ. Финалы уæлахизыл тох кодтой дæс конкурсанты.

Музыкалон мегашоу «Халхури» Гуырдзыстоны фыццаг къаналы эфиры 30-æм марты райдыдта.