Гуырдзыстоны парламенты  хицауадæн æууæнк расидыны  процессмæ  абонæй æрывналдзысты. Министртæм  кандидаттæм   абон,  комитетон форматы  хъусдзысты.

Депутатты  раз  фыццаг  хатт  рацæудзæн фæсарæн хъуыддæгты  министр Давит Залкалиани, кæцымæ депутаттæ æртæ комитеты – æддæ ахастыты, евроинтеграцийы æмæ  диаспорæйы фарстаты  комитетты  иугонд рабадтыл  байхъусдзысты.

Боны  дыккаг æрдæджы  æмбæлон комитеттæ  хъусдзысты  ахуырады, зонæдты, культурæ æмæ  спорты министрмæ, Михеил Батъиашвилимæ  æмæ æнæнизхъахъхъæды министрмæ  Экатерине  Тъикъарадземæ.

Комитетты рабадт сырæздзæн 5 сентябры дæр, кæцыйыл закъондæтджытæ   хъомысджын æмæ  афтæдæр экономикæйы  фадыгы  министртæм кандидаттæм байхъусдзысты.

Бюро цы  графикъы  сбæлвырд кодта, уымæ гæсгæйæ,  хицауады  ранæуæггонд  сконды  6-7 сентябры  фракциты  форматы  хъусдзысты, 8 сентябры та, пленарон   рабадт ацæудзæн,  кæцыйыл  хицауады  сбæлвырд кæнынæн «Гуырдзиг Бæллиццы» 76  депутаты  мобилизаци скæнын бахъæудзæн.

«Гуырдзиаг бæллицц»  премьер-министртæм кандидатæй  бавдыста Гиорги Гахариайы.  Йæхи æрдгæй   Гиорги Гахариа, МХЪ  министртæм бавдыста Вахтанг Гомелаурийы, æрмæст хъахъхъæнынады министры  постмæ та  Ираклий Гъарибашвилийы кандидатурæтæ. Æдасдзинады советы нымæрдары  постмæ, бавдыст æрцыд  Хъахъхъæнынады министр Леван Изориа.

Афтæмæй  хицауады сконды, æндæр ивдтытæ   плангонд не сты.