«Националон Змæлды»  сæрдар Ника Мелиа  сиды оппозицийы   уыцы минæвæрттæм,  кæцытæ къух бафыстой  Европаг Советы президент Шарль Мишелы  документыл.

Мелиа сæм æрсидтис, «ма райсæт  хайад  историйы  ногæй рафыссыны  худинаггаг  архайды, кæцы  20 июны  Гавриловы  æхсæвы амнисти  хуыйны».

«Нæдæр æз æмæ  нæдæр  исчи æндæр уый  аргъ  нæу, цæмæй  антиоккупацион   акцийы  хуыдинаггагæй   ныссæндæг,  фыдгæнæг  пъæлицæйæгтæн æмæ уыдонæн  бардзырдтæ дæттæг   уæнгтæн минималон шанс  раттæм,  сæхи  аирвæрзын кæной  рæстаг  тасттæрхоны  дзуаппæй.

Бæрæг у, цæмæй «Гуырдзиаг Бæллицц»  ацы амнистийы ахæлиу кæндзæн алкæуыл æмæ  алцæуыл, æмæ  зæгъгæ  сымах ма схъæлæс кодтат  уымæн (цæуыл дæр  дызæрдыг нæ кæнын), уæддæр  дискредитацигонд   уыдзыстут  ацы процессы  фæстæ.  Разнаггад уын кæндзысты, разнаггад кæндзысты  оппозицийы  иудзинадæн  æмæ  разнаггад кæндзысты  бæстæйæн.  Хъыгагæн, гуырдзиаг адæмы цæстмæ, нысаниуæгджынæй  разнаггад кæндзысты  медиаторты æмæ сæ  фæстæ  чи лæууы –  нæ  сæйраг   хæлæрттæ,  уыдоны  репутацийы», – фыссы Мелиа  æмæ хуъсын кæны, цæмиæй  ацы этапыл  сеппæтæй  нысаниуæгджын у оппозицийы  иудзинад.

Уымæй  уæлдай ма Ника Мелиа  басидтис  документыл къухбафыссæг  «Гуырдзиаг Бæллиццмæ» дæр. «»Фæстæмæ айсут  амнистийы  фарста æмæ йæ сисут  бонвæткæй.  Кæд гæнæн  нæй,  амнисти баххæсса æрмæст  а.х.  Гавриловы  протестанттæм, уæд бынтон   ма хъуамæ  уа  амнисти.  Фæстæмæ йæ  айсут   амнистийы  закон æмæ   ацы  цауы  æз, Ника Мелиа,  мæхимæ исын бæрн,  сразы  уон   Евроцæдисы  бавдыст   цъындыйыл æмæ афтæ   рацæуон ахæстонæй», –  фыссы Ника Мелиа.

Евроцæдисы  медиацийæ,   ист  документ  «Размæцыды  фæндаг Гуырдзыстонæн»  йæ  хъуыдыйы  дары  парламенты амнистийы  закон æркæсын, кæцы  2019  азы  19 -21  июны  протесттимæ баст  алыхуызæн фыдракæнд æмæ ахстмæ æххæссы.