Сæйраг горæты  мэры, Каха Каладзейы   куырдиатæй,   афæдзы кæронмæ   æххæстæй  ивд æрцæудзысты бургъуыз  автобустæ.

Каха  Каладзе  сæйраг горæты  хицауады  рабаддтыл куыд фехъусын кодта  уымæ гæсгæ,   горæтæн зæгъгæ иттæг нысаниуæгджын у  транспортон политикæ.

«Афæдзы кæронмæ æххæстæ раивдзыстæм  бургъуыз автобусты.  Тбилисæн уыдзæн  «Евро 6»-ы  типы  экологионæй  сыгъдæг  автобустæ.  Ацы реформæйы нын æххуыс кæны  Азийы  Рæзынады  Банкъ, кæцы   кусы  æппæт горæты  масштабæй  транспортон  генералон пъланыл,   цæмæй   зонæм  бастдзинæдтæ,   хызæгтæ,  велосипедты фæндæгтæ,  ног фæндæгтæ,  цы  хъæуы  уый  æппæт саразынæн. Европæйы  Реконструкцийы  æмæ  Рæзынады Банкъ нын æххуыс  кæны,  цæмæй  автобусты  хызæгтæ,  маршруттæ  нын  уа хæрзбакуыст,  кæцы  иттæг нысаниуæгджын у.   Азийы  Рæзынады  Банкъы проекты тыххæй куы зæгъæм, уæд горæты  транспортон генералон пълан августы  хъуамæ  уыдаит цæттæ, фæлæ  азы  кæронмæ æрцæудзæн хасть  ацы  датæ», –  фехъусын кодта Каха Каладзе.