Фыццаг июлæй  Кутаисы  æхсæнадæмон  аэропортмæ  венгриаг  ныллæгбюджетон   авиакомпани «Wizz Air»-ы   базæ æрыздæхздзæн, –   уый фæдыл райхъусын кодта Гуырдзыстоны экономикæ æмæ æнæцудгæ  рæзынады министр Натиа Турнава.

Европæйы  сегасæй цырд рæзгæ  ныллæгбюджетон  авиакомпани  Гуырдзыстонæй   Европæйы  æрдæм  уæлæмхас   рейстæ æххæст кæндзæн, Миланы, Прагъæйы, Афинæты, Салоникийы, Ларнакайы æмæ Мемингемы  æрдæмадæй.

«Туристон  сезоны  байгомимæ иумæ, тынг æхсызгон уац  нæм ис – «Wizz Air»-ы базæ Кутаисы  аэропортмæ  æрыздæхтис æмæ  июлæй  тахтытæ  æххæст кæндзæн   æхсæз европаг  горæты æрдæмадæй, фæлæ æввахс  мæйты  ауæрæхдæр кæндзæн  æрдæмадтæ æмæ   арæхад  æмæ хъуыды  кæнын  тагъд æрыздахдзæн йæ   раздæрон бæрæггæнæнтæ», –  банысан кодта Натиа Турнава.

Фыццаг этапыл  эпидуавæры æмæ  Европæйы  бæстæты   уæвæг  арæнæвæрдты тыххæй,  сæрды   навигацион   сезоны  кæронмæ, Миланы, Прагъæйы, Афинæты, Салоникийы, Ларнакайы æмæ Мемингемы  æрдæмадæй Кутаисæй   комкоммæ рейстæ  къуырийы  мидæг иухаттонæй  цæудзæн æххæст.

Æмтгæй  райсгæйæ  ацы  этапыл  Кутаисæй  Европæмæ  комкоммæ  уæлдæфон   фæндагæй   абалц кæнын гæнæн ис  фараст бæстæйы  14 æрдæмадæй.

Июлы мæйы Кутаисы æхсæнадæмон аэропортæй  153  тахт комкоммæ   регулярон   рейсæй  сыххæст уыдзæн  уыдонæй 111  комкоммæ рейс Европæйы  æрдæмадæй, 42 Централон Азийы  æрдæмадæй.