Ныгуылæн Гуырдзыстоны æвзæр боныхъæд æмæ тыхджын митуардмæ æнæкæсгæйæ, Давит Агъмашенебелийы номыл Кутаисы  æхсæнадæмон аэропорты рейстæ æнæкъуылымпыйæ æмæ æрвылбононæй цæуынц æххæст.

Гуырдзыстоны аэропортты ассоциацийы информацимæ гæсгæ, тыхджын митуардмæ æнæкæсгæйæ, Кутаисы æхсæнадæмон аэропорты æмбæлон службæтæ рæстæгыл æххæст кæнынц хæдтæхджыты ныиихкæныны ныхмæ процедурæтæ.

Стæй ма, стæхæн-æрбадæн хаххытæ æмæ змæлæн фæндæгтæ сты æфснайд сæрмагонд анти-ихæй. Æппæт плангонд рейстæ ныртæккæ æнæкъуылымпыйæ атахтысты æмæ æрбадтысты аэропорты.

Аэропортты ассоциацийы информацийæ, Батумы æхсæнадæмон аэропорт æвзæр боныхъæды тыххæй арæнгонд режимы кусы, цæй тыххæй дæр ныр æртыккаг бон, Александре Картвелийы номыл Батумы æхсæнадæмон аэропорты бæсты, Кутаисы Давит Агъмашенебелийы аэропорт рейстæ исы.

Абон изæр Израилы авиакомпани EL Al-ы хæдтæхæг Батумы бæсты Кутаисы æхсæнадæмон аэропортмæ атæхдзæн æмæ Кутаисæй Тель-Авивмæ атæхдзæн.