Владимир Зеленский Евроцæдисы саммиты хайадисджытæм фæсидтис – Тбилисы уæвæг хицауад нæ разы кæны Евроцæдисимæ æмкуыстдзинадыл, сидын уæм æндæвдад сæххæст кæнат
Гуырдзыстоны, Уæрæсейы контролы бын мафи кусы, цæмæй бæстæ Путины æндæвдадмæ æрцæуа æмæ йæ европæйаг фæндагæй аиуварс кæна – уый фæдыл Украинæйы президент Владимир Зеленский Брюсселы Евроцæдисы саммитыл ныхасы рæстæджы расидтис.
Зеленскийы ныхасы текст парахат кæны Украинайы президенты аппарат.
Украинайы президенты ныхасмæ гæсгæ, Европæйы континенты æдасдзинад сифтонг кæнæн ис Евроцæдисы æмæ НАТО-йы структурæты алы европæйаг бæстæйы уæнгдзинадæй.
«Æз бузныг дæн алкæмæн дæр, кæцы кусы нæ континенты геополитикон бæлвырддзинад æмæ экономикон æдасдзинад сифтонг кæныныл. Уый гæнæн ис æрмæстдæр Евроцæдисы структурæтæм æмæ, кæй зæгъын æй хъæуы, НАТО-мæ æппæт европæйаг бæстæты бахасты фæрцы. Иу демократон бæстæ дæр хъуамæ ма баззайа Иугонд Европæ æмæ Альянсы æддейæ – уый хауы Украинæмæ, Молдовæмæ æмæ Балканы бæстæтæм дæр. Хъыгагæн, Гуырдзыстоны Уæрæсейы контролгонд мафи архайы, цæмæй бæстæ Путины æндæвдады бын æрцæуа æмæ йæ европæйаг фæндагæй аиуварс кæной. Тбилисы уæвæг хицауад нæ разы кæны Евроцæдисимæ æмкуыстдзинадыл. Сидын уæм, цæмæй æвæрат æлхъывдад, уæлдайдæр та Иванишвили æмæ йæ æмбæлттæм, цæмæй йын ма раттой пайда райсын Гуырдзыстоны давд европæйаг фидæнæй æмæ фесæфгæ дæсгай азты прогрессæй. Махæн нæ бон нæу нæ Европæйы иунæг бæстæйы фесæфын бауадзæм, уымæн æмæ иу бæстæйы ныппырх нæ алкæй дæр фæхæстæгдæр кæнид дихдзинад æмæ конфликтмæ. Æмæ иттæг нысаниуæгджын у Молдовæйы европæйаг æвзæрстæн фарсылхæцындзинад, æмæ уый æрмæст æвзæрстыты фæдыл нæ цæуы, фæлæ ма молдоваг адæмы хæрзиуæгыл дæр – уыдон хъуамæ банкъарой Европæйы тых мæгуырдзинады ныхмæ тохы», -расидтис Зеленский .