«Санкцитæ нысаниуæгджынæй æндавынц Уæрæсейы экономикæйыл» – райхъусын кодта Евроцæдисы санкциты фæдыл сæрмагонд минæвар Дэвид О’Салливан.

“Æз дæн оптимист. Мæнмæ гæсгæ, санкцитæ æндавынц Уæрæсейы экономикæйыл. Чи зоны, 2026 азмæ ахæм ранмæ бахæццæ уыдзыстæм, æмæ æппæт процесс суыдзæн æнæфидаргæнæн, уымæн æмæ Уæрæсейы экономикæйы нысаниуæгджын хай æрцыд æфсæддон экономикæйы саразынæй æмбæстагон экономикæйы хардзæй. Мæнмæ гæсгæ, экономикон уæззаудзинады закъон æрмæстдæр арæнæвæрд рæстæгмæ ахæсдзæн” О’Салливан загъта The Guardian-имæ интервьюйы.

Евроцæдисы сæрмагонд минæвар афтæ дæр банысан кодта, цæмæй Евроцæдисы уæнг бæстæтæ Евроцæдисы санкцитæ æххæст кæнын хæсджын не сты.

О’Салливаны ныхæстæм гæсгæ, блокæн йæ къухы бафтыд цыдæр æнтыстытæ Астæуккаг Азийы, Кавказы, Турчы, Сербийы, Иугонд Араббаг Эмиратты æмæ, къаддæр бæрцæй, Малайзийы бæстæты уылты критикон хæцæнгарзы товарты комкоммæ реэкспорт ма руадзыны хъуыддаджы.

Санкцитæй хи аиуварс кæныны тыххæй дзургæйæ, О’Салливан бахахх кодта, цæмæй хицауад нæ архайы, фæлæ экономикон оператортæ, кæцытæ уынынц фадæттæ æмæ сæ пайда кæнынц.