Украинайы президент Владимир Зеленский   Донбасы  сепаратистон  регионты   сæрмагонд статусы ноджы  иу  афæдзæй  адарддæр кæныны  фæдыл  закъон бафыста.  Уæллаг рада   фæнысангонд  закъондæттæг   инициативæ   12  декабры   320 хъæлæсæй   сфидар кодта.

Зеленский  цы  документыл æрфыста  къух  уый  иу  афæдзæй  дарддæр кæны  Донецкы  æмæ  Луганскы  районты   хайы бынæттон хæдуынаффæйы   сæрмагонд   æгъау.   Донбассы   сæрмагонд  статусы  пролонгаци  декабры райдайæны    Паризы  ацæугæ   Нормандиаг Цыппары   саммиты   фæстæ  æрцыд.    Закъонæн йе æмгъуыд   31  декабры  фæуд кодта  æмæ  фæнысангонд факты тыххæй   Украинайы   президентæн   бакой  кодта  Уæрæсейы   лидер   Владимир Путин   иумæйаг  пресс-конференцийыл дæр.

Луганск æмæ Донецкы   сепаратистты  контролгонд   районты   бынæттон хæдуынафæйы   сæрмагонд æгъдауы  фæдыл  закъон Уæллаг рада   2014  азы   сентябры  райста.  Уыцы   азы  октябры йæ тыхмæ баыд æртæ  азы  æмгъуыдæй. Документмæ гæсгæйæ, Донбассы сæрмагонд   статус  йæ тыхмæ бахиздзæн   закъоны  10-æм статийæ  бæрæг  алы   домæны  сæххæсты  фæстæ.   Фæнысангонд  домæнты æхсæн ис  Украинайы  территорийæ алы  æнæзакъонон   гарзджын   формиргондты, æфсæддон техникæйы æмæ  æххуырст хæцджыты   раконд.