Гуырдзыстоны мидхъуыддæгты министры хæдивæг Александр Дарахвелидзе расидтис, цæмæй ныхасы сæрибардзинад хъахъхъæд цæуы ныхасы сæрибардзинадæй, æрмæст ахæм расидæнтæн, кæцыты ис æнæуаг æвзаг æмæ æгадгæнæн ныхæстæ, сты дзуаппдæттæг.

Дарахвелидзейы ныхасмæ гæсгæ, æндæр адæймаджы намысмæ бабырст хæлы æхсæнадон уагæвæрд, æмæ мидхъуыдтæгты министрад хæсджын у уымæн реагир кæна.

«Кæд æмæ хъуыды æвдыст цæуы æмæ нæ ахизы арæнæй æнæфсарм æвзагыл, æгад ныхæстæм, кæнæ адæмы æхсæн знаггад расайын кæнынмæ, уæд, кæй зæгъын æй хъæуы, уый хъахъхъæд цæуы ныхасы сæрибардзинадæй. Тæрхондонмæ цы конкретон хъуыддæгтæ бахастам, уыдонмæ гæсгæ, практикон æгъдауæй æппæт хъусынгæнинæгтæ, кæцыты фæстиуæгæн æрцыд дзуапп, уыдысты æгаддзинад æмæ æнæгъдау æвзаг.

Адæймагæн йæ бон у критикæ кæна бæлвырд политикæ кæнæ политикон уынаффæ, фæлæ æнæгъдау æвзаг, æгадгæнæг фиппаинæгтæ æмæ иннæты æгад кæнын сты бæрæг æмæ æнæдызæрдыг æнæуагдзинад.

Фæнд кодтой, цæмæй департамент архайы æрмæстдæр иу бæлвырд фарсы интерестæм гæсгæ. Фæлæ федтат, цæмæй уыцы адæймæгтæ, кæцытæ бæлвырд оппозицион партиты минæвæртты тыххæй æфхæрæн ныхæстæ сарæзтой æмæ афтæмæй сæ позици æргомæй равдыстой, уыдон дæр иваргонд æрцыдысты.

Ныхасы сæрибардзинад хъахъхъæны адæймагæн йæ хъуыды зæгъыны бар, фæлæ уый хъуамæ иннæты намыс ма хала. Куыддæр æндæр адæймаджы намыс халыс, афтæ уый ныридæгæн у æфхæрд, æмæ ахæм митæ халынц æхсæнадон фæтк. Кæй зæгъын æй хъæуы, ахæм цаутæн дзуапп раттын нæ хæс у.

Нæ кусджытæ бæлвырд кæнынц, кæд раздæр ахæм цаутæ арæх уыдысты, уæддæр сæ нымæц фæстаг рæстæг зынгæ фæкъаддæр. Уый у фæстиуæг» – банысан кодта Александр Дарахвелидзе.