2016 азы  АИШ-ы  президенттæм  æвзæрстыты  процесы гæнæн ис,  украинæгтæ,   тæтæйрæгтæ  кæнæ дзуттæгтæ бацыдысты. Уый фæдыл  Уæрæсейы  президент  Владимир Путин  телекомпани NBC-имæ  интервьюйы рæстæджы  загъта.

«Кæцæй æрхастат, цæмæй  Уæрæсейы  хицауады минæвæрттæ,  сæ нымæцы æз,  искæмæн раттам  уый бар.  Уымæн æмæ уырыссæгтæ сты?» –   загъта  Путин  АИШ-æ Уæрæсейы 13 æмбæстагы  æмæ æртæ  компанийæн  æвзæрстыты процессы хифæкæныны  хъуыддагыл  аххосаг бавдисыныл ныхасы рæстæджы.

«Гæнæн ис  уыдон уырыссæгтæ дæр не сты,  фæлæ  сты  украинæгтæ,  тæтæйрæгтæ кæнæ дзуттæгтæ,  кæцытæн ис дывæрон  æмбæстагдзинад, кæнæ   «Цъæх картæ», гæнæн ис æмæ сын АИШ-æ  бафыста хца  уый тыххæй»   расидтис Уæрæсейы  президент æмæ банысан кодта,  цæмæй  ацы  хъуыддаг  уымæ бынтон не ххæссы.

16 февралы  АИШ-ы  юстицийы  департамент  Уæрæсейы  13 æмбæстагæн æмæ  æртæ юридикъон уæнгæн,  АИШ-ы президенттæм æвзæрстыты  процессы хифæкæныны фæазымджын кодта,  уый  нымæцы Санкт-Петербьургы уæвæг «тролльты заводæй» цы хонынц  уымæн.