АИШ-ы президент Дональд Трамп æмæ Уæрæсейы президент Владимир Путины телефонон ныхас фæцис. АИШ æмæ Уæрæсейы президентты диалог дыууæ сахатæй фылдæр ахаста.

Телефоны ныхасы фæстæ, Владимир Путин медийæн коментар сарæзта, банысан кодта, цæмæй Трампимæ диалог уыд зæрдæбын æмæ мидисджын.

«Ныхас сырæзт, ахаста дыууæ сахатæй фылдæр. Уый уыд тынг мидисджын æмæ бынтон æнæзæрдæхудт, æмæ æмтгæй райсгæйæ, мæнмæ гæсгæ, бынтон пайдаджын ацы æрдгæй. Фыццаджыдæр бузныг загътон АИШ-ы президентæн АИШ-ы фарсылхæцындзинады тыххæй Уæрæсе æмæ Украинæйы æхсæн комкоммæ бадзырдты сног кæнынæн, гæнæн сабырадон бадзырд саразыны тыххæй, бадзырдтæ сног кæныны тыххæй, кæцы у куыд зындгонд, æрурæдтой украинаг фарс 2022 азы», ​​— банысан кодта Путин.

Йæ ныхасмæ гæсгæ, АИШ-ы президент хæстон архæйдтыты фæурæды, æхсты фæурæды фæдыл йæ позици расидтис.

«Уæрæсе цæттæ у Украинæйы фарсимæ бакусын гæнæн фидæны сабырадон бадзырды фæдыл меморандумыл къорд позици сбæлвырд кæнгæйæ», — загъта Владимир Путин.

Путины ныхасмæ гæсгæ, Уæрæсе йæ фарсыл хæцы хæстон архæйдтыты фæурæдæн, фæлæ æнæмæнгхъæугæ у сабырадон æрдæм змæлды сеппæтæй эффективондæр фæндæгтæ саразын.

Афтæ дæр, медиимæ ныхасы рæстæджы, Владимир Путин расидтис, цæмæй Уæрæсе æмæ Украинæ хъуамæ ссарой ахæм компромисстæ, кæцытæ уыдзысты райсинаг алы фарсæн дæр.