Вардзийы, афтæ хуынæг «сусæг туннелы» цур фиксиргонд æрцыд къæдзæхы æрхауд, кæцы фистæгцæуджыты фæндаг бахъыгдардта. Уый тыххæй хъусын кæны культурон бынтæ бахъахъхъæныны националон агентад.

Куыд фехъусын кодтой, афтæмæй ацы хайад рæстæгмæ æхгæд æрцæудзæн æдасдзинады аххосæгтæм гæсгæ.

«Ацы аз 27-æм майы райсомæй Вардзийы историон-архитектурон музей-заповедникы, уазджытæн нысангонд бынаты (афтæ хуынæг сусæг туннелы цур) фиксиргонд æрцыд къæдзæхы æрхауд, кæцы бахъыгдардта фистæгцæуæн фæндаг æмæ хъахъхъæнæн æмбонд.

Уазджыты æдасдзинады тыххæй ацы хай рæстæгмæ уыдзæн æхгæд. Специалисттæ ныридæгæн кусынц бынатыл, цæмæй сбæрæг кæной уæвæг уавæр æмæ снысан кæной дарддæры реставрацион куыстытæ. Уæ хорзæхæй, фæзуатыл змæлгæйæ, æххæст кæнут музей-заповедникы кусджыты амынддзинæдтæ», — дзырдæуы хъусинаджы.