Уæрæсейаг медийы информацийæ, Мæскуы æмæ Санкт-Петербургы æхсæн рейстæ æрлæууыдысты. Уый тыххæй хъусын кæны уæрæсейаг паддзахадон агентад «Итар-Тасс» Уæрæсейы туроператорты ассоциацийыл æнцойгæнгæйæ.

Сæ ныхасмæ гæсгæ, абон фæсæмбисбоны плангонд 52 рейсæй 30 урæд æрцыдысты æмæ 9 та фæфæстиат сты.

Амæй размæ Уæрæсейы транспорты министрад фехъусын кодта, ивгъуыд суткæмæ Мæскуыйы аэропорт «Шереметьевæй» кæй фæфæстиат сты 241 рейсы, урæд æрцыдысты 158 рейсы. Пулковойы та 36 рейс фæфæстиат ис æмæ 87 рейс æрцыдысты урæд. Уымæй дарддæр ма Нижний Новгороды аэропорты урæд æрцыдысты 12 рейсы. Уæрæсейы транспорты министрады зæгъынц, аэропорттæ ныр цадæггай кæй раздæхынц хуымæтæг куыстытæм.

Уæ информацийæн, Уæрæсейы æнæхъæн бæстæйы аэропортты куысты къуылымпыдзинæдтæ æрцыдысты Уæрæсейы хъахъхъæнынады министрады украинаг дронты массон бырсты тыххæй хъусынгæнинагы фоныл. Уæрæсейы хихъахъæнады министрады информацийæ, фæстаг суткæйы мидæг Уæрæсейы уæлдæфон тыгъдады скуынæг кодтой 298 æнæпилотон аппарат æмæ æхсæз фæндарастгæнæг уæлдæфон бомбæйы.