Трампы тарифтæ карз цæф сты дунеон экономикæйæн – уый фæдыл Еврокомисы президент Урсула фон дер Лейен расидтис.

“Президент Трампы расидæн тарифты тыххæй, се æхсæн Евроцæдисы ныхмæ, у стыр цæф дунеон экономикæйæн. Мах хъуамæ бæлвырдæй æмбарæм стыр фæстиуджытæ: дунеон экономикæ уыдзæн массон æндæвдад, æнæбæлвырддзинад фæарфдæр уыдзæн æмæ æркæндзæн протекционизмы дарддæры рæзтмæ. Фæстиуджытæ карз уыдзысты æппæт дунейы милуангай адæймæгтæн”, – загъта фон Лейен.

Еврокамисы президент бахахх кодта, цæмæй Трампы тарифтæ бандавдзысты фæлхасгæнджытыл æмæ бизнесыл, кæцытæ фылдæр хатт фидынц уæлæмхас хъалонтæ ахæм мадзæлтты реализацийы фæстæ.

«Фыццаг бонæй фæстæмæ æппæт бизнестæ, стыр æмæ чысыл, æндавдзысты. Уæлдай тынгдæр æндавдзысты æппæты æнæхъахъхъæд æмбæстæгтæ. АИШ-имæ бизнесы хæрдзтæ тынг фæфылдæр уыдзысты. Уымæй уæлдай ма, цыма ацы æнæфæткдзинады нæй фæтк – нæй бæлвырд фæндаг вазыгджындзинад æмæ хаосы æхсæн, кæцы арæзт цæуы, уымæн æмæ æппæт сæйраг базарадон партнертæ сты æндавд», — загъта Лейен.

Уый афтæ дæр фæныхас кодта Трампы тарифты ныхмæ дзуаппон мадзæлтты тыххæй, зæгъгæ, Европæ «ныридæгæн кæронмæ ахæццæ кæны фыццаг пакеты цæттæдзинад æфсæйнагыл фыццаг тарифтæн дзуаппæн» æмæ цæттæ кæны уæлæмхас дзуаппон мадзæлттæ, кæд æмæ бадзырдтæ нæ фæрæстмæ уой.

“Зонын æй, сымахæй бирæтæ кæй фæфыдæнхъæл вæййынц нæ рагондæр æмцæдисонæй. Мах хъуамæ бацæттæ уæм уыцы фæстиуæгмæ, кæцы уый æнæмæнгæй æрхæсдзæн. Ацы хъуыддаджы мах стæм иумæ: кæд нæ иуы ныхмæ лæуут, уæд не ‘ппæты ныхмæ дæр. Нæ иудзинад у нæ тых”, — загъта Еврокамисы президент.