Франсуа Байруйы ныхасмæ гæсгæ, АИШ æмæ Евроцæдисы æхсæн базарадон бадзырды къухы бафтыд Евроцæдисæн «сау бон» у. Уый фæдыл Францы хицауады сæргълæууæг социалон хызаг «X»-ы ныффыста.

«Урсула фон дер Лейен æмæ Дональд Трампы æхсæн бадзырд Евроцæдисæн сау бон у, кæд æмæ сæрибар альянс, кæцы йæхи аргъдзинæдтæ æмæ интерестæ бахъахъхъæныны тыххæй арæзт æрцыд АИШ-ы дæлбар» – фыссы Байру.

Уæ информацийæн, «Националон иудзинады» партийы лидер Марин Ле Пен дæр критикæ кодта АИШ æмæ Евроцæдисы æхсæн базарадон бадзырд.

Зæрдыл уын æрлæууын кæндзыстæм, 27-æм июлы АИШ-ы президент Дональд Трамп æмæ Еврокомисы президент Урсула фон дер Лейены фембæлды фæстæ рабæрæг ис, цæмæй Вашингтон æмæ Брюссель бафысдзысты базарадон бадзырд, кæцымæ гæсгæ АИШ-мæ европæйаг продукцийы импортыл хъалон уыдзæн фидын 15% тарифæй.