Еврокамисы президент Урсула фон дер Лейен расидтис, цæмæй Евроцæдис фæнды йæ финансон æххуысæй спайда кæна хъахъхъæнынады рауагъды фæтыхджындæр æмæ фæтагъддæр кæнынæн, Уæрæсейы æрдгæй рæзгæ знаггаддзинады ныхмæ. Уый фæдыл фон дер Лейен Европарламенты ралæуды рæстæджы расидтис.

Урсула фон дер Лейен банысан кодта, цæмæй ныр æвæстиатæй хъæуы Украинæйы æфсæддон ифтонгады хъуагдзинæдтæ баххæст кæнын æмæ Украинайы æдасдзинадæн æууæнкджын гаранти раттын.

«Путин бирæ хатт сбæлвырд кодта, знаггадгæнæг сыхаг кæй у, уый. «Ууыл æууæндæн нæй, æрмæстдæр æй бауромæн ис», — бамбарын кодта фон дер Лейен.

Уый загъта, зæгъгæ, уæрæсейаг æфсæддон комплекс европæйагæй фылдæр у æмæ Кремль хæцæнгарзыл фылдæр хардз кæны, æппæт Европæ иумæйагæй.

«Европарламент бирæ азты дæргъы быцæу кæны, цæмæй Европæ хъуамæ фылдæр саразой, æмæ бынтон раст уыдтæ». Ацы тæссагдæр дуджы Европæ хъæуы фæтыхджындæр кæнын. Уый у уыцы пъланы нысан, кæцы ивгъуыд къуыри бавдыстон Евроцæдисы лидертæн. «Логикæ у хуымæтæг: мах фæнды спайда кæнын æппæт финансон æххуысæй, кæцы нæм ис, цæмæй фæтыхджындæр æмæ фæтагъддæр кæнæм нæ хъахъхъæнынады индустри», — загъта фон дер Лейен.