Уæрæсейы президент Владимир Путин фронты уæвæг уавæрыл раныхас кодта Кремлы æфсæддон службæгæнджытимæ фембæлды рæстæджы. Уæрæсейаг медийы информацийæ, Путин фембæлд службæйы уæнгтимæ æмæ сын бахæс кодта, цæмæй адарддæр кæной сæрмагонд операцийы хæслæвæрдтæ «Генералон штабы плæнттæ æмæ фæндтæм гæсгæ».

Путин бузныджы ныхæстæ загъта Днепры тыхты къорды командæгæнæг Михаил Теплинскийæн сæ æнтыстджын архайдтыты тыххæй.

“Уым знаг бирæ азты дæргъы йæхи цæттæ кодта хъахъхъæнынадмæ. Мах æмбарæм уæззау уавæр. Фæлæ уæддæр сымах æххæст кæнут, уæ ​​къордæн цы хæстæ лæвæрд æрцыд, уыдон”, — банысан кодта Путин.

Путин ма дзырдта «Донбасы территори æххæстæй ссæрибар кæныны» перспективæтыл дæр.

“Северскы ссæрибар кæнын æмæ Константиновкæйы эффективон куыст фадат дæттынц æфсæддонтæн, ныгуылæн æмæ центры тыхтимæ æмархайд кæнгæйæ, æххæстæй ссæрибар кæнын Донбасы территори”, — банысан кодта Путин Кремлы æфсæддон службæгæнджытимæ фембæлды рæстæджы.