Украинайы гарзджын тыхты информацийæ, Уæрæсе Украинæйы æрдæм æнæхъæнæй 108 дроны ауагъта.

Украинайы уæлдæфон хъахъхъæнынады тыхтæ бæстæйы скæсæн, цæгат, хуссар æмæ централон хайы 60 дроны «Шахед» ныппырх кодтой, ноджы 41 дроны та сæ нысанмæ нæ баххæсыдысты.

Сæ ныхасмæ гæсгæ, дронтæ ауагътой Брянскæй, Смоленскы облæсты Шаталовойæ, Ростовы облæстæй Миллеровойæ, Краснодары областы Приморско-Ахтарскæй, афтæ дæр Запорожьейы облæст æмæ аннексигонд Хъырымæй Уæрæсейы дæлбар бынæттæй.

Уымæй дарддæр ма, Украинæйы Гарзджын тыхтæ фехъусын кодтой, цæмæй Уæрæсейы æфсæдтæ, кæцытæ дарддæр кæнынц сæ хæст Украинæйы ныхмæ, бирæ хатт æруагътой разамындгонд уæлдæфон бомбæтæ Сумы æмæ Харьковы облæсты æрдæм.

Киевы облæсты уæрæсейаг дроны æрбабырсты фæстиуæгæн иу адæймаг фæцæф ис. Бровары районы 1954 азы гуырд нæлгоймаг стрессыл карз реакци райста æмæ шокы уавæры ис. Бабырсты рæстæджы уыцы иу районы цалдæр сæрмагонд хæдзар бахъыгдард сты.