Украинайы горæт Днепропетровскы Уæрæсейы æхстыты фæстиуæгæн авд адæймаг фæмард æмæ фæйнæ 70 фæцæф сты. Уый тыххæй социалон хызæгты фехъусын кодта Днепропетровскы регионалон æфсæддон администрацийы сæргълæууæг Сергей Лысак.

Лысакы ныхæстæм гæсгæ, фæцæфгондты ‘хсæн уыд 10 сывæллоны. Йæ ныхасмæ гæсгæ, æнхъæлмæкæсинаг у цæфгондты нымæц фæфылдæр уыдзæн.

Хъусынгæнинæгтæм гæсгæ, горæты цалдæр срæмыгъд æрцыд. 19 скъола, дæс рæвдауæндоны, æмдзæрæндон, гимназ, административон бæстыхай, горæтон рынчындон æмæ поликлиникæ бахъыгдард сты æхстыты фæстиуæгæн. Бырст бахъыгдардта Одессæ-Запорожьейы здæхты цы поезд цæуы, уый.

Уымæй дарддæр ма, уæрæсейаг æхстытæ горæт Самарæйы фæстиуæгæн фæцæф сты 9 адæймаджы.