Уæрæсейы Фæсарæйнаг хъуыддæгты министрад Ханийы амарын хоны «бынтон æнæрайсгæ политикон лæгмар». Бæстæйы фæсарæйнаг хъуыддæгты министры хæдивæг Михаил Богданов загъта, зæгъгæ, ХАМАС-ы лидеры амарын «æркæндзæн æндыгъддзинады ноджы фæкарздæр кæнынмæ».

Турчы фæсарæйнаг хъуыддæгты министрады дæр расидæн сырæзт, цыран уыдон дæр æфхæрдтой «Тегераны æгад лæгмарды». Анкара хъусын кæны, цæмæй «ацы бырст дæр йæ нысан у Газæйы хæст æнæхъæн регионы апарахат кæнын».

ХАМАС абон куыд фехъусын кодта афтæмæй, Израиль Тегераны рейды рæстæджы амардта сæ политикон лидер Исмаил Ханиейы. ХАМАС-ы минæвар Сами Абу Зухри банысан кодта, цæмæй уыдон сты гом хæсты Израилимæ æмæ цæттæ сты цыфæнды аргъ бафидынмæ.

ХАМАС-ы политикон лидер, Исмаил Хание, фæстаг хатт æхсæнады раз фæзынд знон Ираны президент Масуд Фезешкианы инаугурацийы рæстæджы.