Уæрæсейы гарзджын тыхтæ знон изæр Киевмæ хæстон дронтæй бабырст сарæзтой.

Горæты къухдариуæгад куыд хъусын кæны афтæмæй, столицæйы цалдæр районы æрцыд зынгсирвæзтытæ.

“Киевы Святошин æмæ Дарницкы районты æрцыд зынгсирвæзт знаджы æрбабырстæй ныппырхгонд æнæпилотон тæхæн аппаратты хауæны аххосæй. Бахъыгдард æрцыдысты сæрмагонд хæдзар æмæ æнæцæрæн бæстыхай. Бынаты кусынц ирвæзынгæнджытæ”, — дзырдæуы Киевы горæты æфсæддон управленийы хъусинаджы.

Киевы мэр Виталий Кличкойы информацийæ, Святошыны районы дыууæ адæймаг фæцæф ис.

Уæрæсейаг хæстон дронтæ дæр æхсæвы æрбабырстой Харьковмæ. Горæты райхъуыст срæмыгъдтæ.

Харьковы регионалон æфсæддон администрацийы сæргълæууæг Олег Синегубовы ныхæстæм гæсгæ, Харьковмæ «Шахед»-ы дронтæй æртæ æхсты сырæзт, уыдонæй дыууæ æрцыдысты Немишлянскы районы.  Бырсты фæстиуæгæн фæцæф иу адæймаг.