Æхсæвы дæргъы, Уæрæсе Украинæмæ масштабон бабырст сарæзта баллистикон ракетæтæ «Искандер-М» æмæ 46 хæстон æнæпилотон тæхæг аппаратæй. Уый фæдыл  украинаг фарс  хъусын кæны.

Украинайы уæлдæфон тыхты информацийæ, скуынæг кодтой 29 дроны, кæд æмæ 17 сæ нысанмæ бахæццæ сты, уæддæр. Сеппæтæй тыхджындæр æхстытæ Харьковы облæсты горæт Лозовайыл сырæзт. Уый фæстиуæгæн æппынкъаддæр иу адæймаг фæмард, дæс та фæцæф сты, уыдон нымæцы дыууæ сывæллоны.

Бынæттон хицауады æмбарынгæнæнмæ гæсгæ, знон æхсæвы хæсты райдайæнæй горæт сеппæтæй стырдæр бабырст æрцыд. Хъыгдард баййæфтой критикон инфраструктурæ, бирæуæладзыгон хæдзæрттæ æмæ сæрмагонд сектор.