Лиетувæйы президент Гитанас Науседа, Будапешт Уæрæсейы æмæ Белорусы æмбæстæгтæн бацæуыны процедурæтæ фæрогдæр кæныны фæстæ, Европæйы æдасдзинады рискътæ фылдæр кæныны хъуыддаджы Венгрийы аххосджын кодта.

Лиетувæйы президент куыд хъусын кæны афтæмæй, Венгрийы ахæм иувæрсыг æскъуыддзæгтæ Евроцæдисы аргъдзинæдты, бадзырдты æмæ солидарондзинады принципы ныхмæ сты.

«Венгри, кæцы агрессор бæстæйы æмбæстæгтæн, Уæрæсейæн æмæ агрессийы хайадисæг паддзахадæн — Белоруссийæн фадат дæтты Европæйы сæрибарæй ацæуын, ацы архайдæй Европæйы æдасдзинады рискътæ фылдæр кæны», – сиды Гитанас Науседа.

Лиетувæйы президент афтæдæр дзуапп радта, Венгрийы атомон электростанцæйы арæзтады тыххæй «Росатом» æмæ Белоруссийы специалисттæ цы бадзырд бафыстой, уымæн, схуыдта йæ «дызæрдыггаг проект».

Информацийæн, уый размæ Венгрийы хицауад рахаста уынаффæ, кæцымæ гæсгæ визæйы режим фæрогдæр уыдзæн аст бæстæйы æмбæстæгтæн, се æхсæн Уæрæсе æмæ Белорусси. Будапешт хъусын кæны, цæмæй фæхуымæтæгдæргонд схемæ пайда уыдзæн уыдонæн, кæцытæ Венгрийы атомон электростанцæйы арæзтады хайад райсдзысты.

Венгри Уæрæсейы æмæ Белорусы æмбæстæгтæн визæйы режим кæй фæхуымæтæгдæр кодта, уымæ гæсгæ Лиетувæ Еврокамисмæ бахъаст кодта.

Дзуаппæн Венгрийы фæсарæйнаг хъуыддæгты министр Петер Сиарто Лиетувæйы хицауады антивенгриаг пропагандæйы азымджын кодта.