Уæрæсе 1-æм сентябры æхсæвы Киевы æфсæнвæндаджы объекттæ баллистикон ракетæтæй ныццавта, кæцыйы фæстиуæгæн авд адæймаг фæмард

Уæрæсе 1-æм сентябры æхсæвы Киевы æфсæнвæндаджы объекттыл баллистикон ракетæтæй æхста, кæцыйы фæстиуæгæн авд адæймаг фæмард, се æхсæн «Укзализныцы» æхсæз кусæг. Информаци уый фæдыл украинаг меди парахат кæны «Укрзализныциа»-йы пресс-куыстуатмæ æнцойгæнгæйæ.

«Баллистикæйы æхст ахаста авд адæймаджы цард, уыдонæй æхсæз сты нæ кусджытæ. Нæ коллегæтæй иу цæфтимæ фæхæццæ кодтой рынчындонмæ. Йемæ сты нæ кусджытæ æмæ йын кæнынц æппæт хъæугæ æххуыс. Дæсгай адæймæгтæн бантыст алидзын æмбæхсæн бынæттæм æмæ сын ныр æххуыс кæнынц сæ уавæрæй фервæзынæн», — загъта Александр Персскийы сæргълæууæг хайад.

Уый загъта, зиан кæй уыд стыр æмæ цехтæй иу бынтондæр ныппырх.

Ирвæзынгæнджытæ ацы рæстæгмæ локализаци кæнынц æмæ ахуыссын кæнынц цалдæр зынгсирвæзты.

Уæдмæ Киевы облæсты горæт Борыспыл бабырсты фæдыл информаци апарахат ис, кæцыйы фæстиуæгæн æртæ адæймаг фæмард. Киевы облæстмæ уæрæсейаг ракетон бабырсты фæстиуæгæн зиан баййæфтой цæрæн хæдзæрттæ, æмбæстагон инфраструктурæйы объекттæ æмæ хæдтулгæтæ. Зынгсирвæзтытæ æрцыдысты цалдæр раны. Бахъыгдард сты фондзуæладзыгон хæдзар, дукани æмæ дыууæ сæрмагонд хæдзар. Паддзахадон æнæнхъæлæджы уавæрты службæйы дæлхайæдтæ ракодтой 48 адæймаджы æмæ пырхæнтæй систой дыууæ адæймаджы.