Националон банкъ хъахъхъæны æнæхъахъхъæд клиентты æрмæстдæр бæрзонд рискъы транзакцитæн æмæ нæ хауы регулярон фиддонтæ æмæ трансферттæм

Гуырдзыстоны националон банкъы ивæндзинæдтæ финансон уагдæттæн пайдагæнджыты тыхджын аутентификацийы æмæ фæлхасгæнджыты хъахъæды уагæвæрдтæм здæхт сты клиентты бæрзонд рискъы транзакцитæй æмæ потенциалон финансон сайдæй бахъахъхъæнынмæ.

Националон Банчы информацийæ, æфтауц хъахъхъæныны механизмæй пайда кæнынц æрмæстдæр уæд, кæд æмæ фиддонты лæггæдты æххæстгæнæг (уыцы нымæцы коммерцион банк, микробанк, регистрацигонд фиддонты лæггæдты æххæстгæнæг, кæнæ микрофинансон организаци) иу рæстæджы рабæрæг кæны ахæм цыппар уавæры:

• фиддонты транзакцийы мидис баст у ахæм архайдимæ, кæцыйы ис бæрзонд сайды рискъы профил;
• æлхæнæджы хардзты кæнæ уагахасты æнахуыр æгъдау рабæрæг;
• фиддонты транзакцийы суммæ 500 ларийæ фылдæр у;
• æлхæнæгыл цæуы 60 азæй фылдæр.

«Алцыппæт уæлдæр ранымадгонд цауты, фиддонты лæггадгæнæг хæсджын у, 48 сахаты æмгъуыдмæ æрурома клиенты инициргонд электронон фиддонты транзакци, бадзура клиентимæ, æмæ сын ратта æмбæлон информаци рискъты кæнæ потенциалон сайды фæдыл хуымæтæг æмæ æмбаргæ формæйы.

Рискъджын кæнæ дызæрдыггаг транзакцийы райдайæны фæстæ, клиентæн уыдзæн 48 сахаты, цæмæй райса кæронбæттæн уынаффæ. Кæд æмæ клиент сфæнд кæна транзакци адарддæр кæнын, уæд уый хъуамæ сбæлвырд кæна лæггæдты æххæстгæнæгимæ.

Зæгъын хъæуы уый, æмæ ацы ивддзинад арæзт æрцыд дунеон хуыздæр практикæтæм гæсгæ. Аналогион ахаст, сæрмагондæй бæрæг бæрзонд рискъы транзакциты æрурæды механизм, ахæм бæстæты ис, куыд АИШ, Канадæ, Бразили, Иугонд Паддзахад, Евроцæдис æмæ æндæртæ» – хъусын кæны Националон Банкъ.