Турк  æмæ Сирийы зæххæнкъуысты фæстиуæгæн  фæмардуæвджыты нымæц 7800-æй  ахызт.  Информаци хъусын кæны «ВВС». Турчы хицауады  информацийæ,   бæстæйы  стихийы  фæстиугæн фæмардуæвджыты  нымæц  5894-ы онг сырæзт. Турчы  вице-президент Пфуат  Октайы  фидиуæнæй,   зæххæнкъуыстыты фæстиуæгæн  34 810 адæймаг  райстой  зиæнттæ æмæ 5  775 бæстыхай ныккалдис.

Агурæн  ирвæзынгæнæн операцийы фæлгæтты  ирвæзынгæнджытæ  8000 æй фылдæр адæймагы  фервæзын кодтой. Стихийы  зонæйы Турчы алы  уагдонæй 60 000-æй  фылдæр  адæймаг кусы.

Зынгвæдисонтæ  ацы  афонмæ архайынц  зынгсирвæзт ахуыссын кæнын Турчы  Искандеруны порты.

Фæстаг бæрæггæнæнтæй, Сирийы   куынæггæнæг зæххæнхкуысты  фæстиуæгæн  фæмардуæвджыты нымæц  1932-ы онг райрæзт.  Сирийы  хицауады   контролгонд  территорийыл  812  адæймаг амард, растгæ оппозицийы  контролгонд  Сирийы  цæгат, – ныгуылæны та  1 120.