Туризмы националон администраци райдайы бирæвæрсыг маркетингон кампани Европæйы Цæдисы æмæ Иугонд Паддзахады, кæцыйы сконды ис æмгуыстад стыр авиакомпанитимæ, медиаплатформæтимæ æмæ инфлюенсертимæ. Туризмы националон администрацийы информацийæ, маркетингон кампани аххæссы Стыр Британийы, Германийы, Австрийы, Францы, Швейцарийы, Польшæйы, Норвегийы æмæ Швецийы туристон базартыл.

Туризмы националон администрацийы информацимæ гæсгæ, æнæхъæн азы дæргъы, майæ декабрмæ масштабон кампанийы фæлгæтты, сæйраг европæйаг горæтты Гуырдзыстонæн минæварон кусæн бынæттæ сырæздзæн, кæцы æнцонвадат кæндзæн туристон базармæ комкоммæ бацæуын, B2B фембæлдтыты организаци æмæ Гуырдзыстоны сæрмагонд секторæн партнертæ ссарын, афтæ дæр бизнес-æмкуыстдзинады сырæзт.

“Ног кампанийы нысан у нымæцон платформæтыл Гуырдзыстоны тыххæй æмбарынад фæбæрзонддæр кæнын æмæ бæстæйы рапарахат кæнын. Кампанийы мидæг ис социалон медиа, радио, телеуынынад, подкасттæ, æддейы рекламæ, афтæ хуынæг роудшоутæ æмæ аст стыр мадзалы хайадист, кæцытæ Европæйы 32 горæты аххæсдзысты”.

Акцийы фæлгæтты, Гуырдзыстоны фæдыл базонгæгæнæн туртæ æмæ презентацитæ алы бæстæйы цыппар горæты сырæздзæн. Алы нысаниуæгджын базары бацæттæ уыдзæн интервьютæ, телесценæтæ, радиоалæвæрдтæ, æддагон рекламæтæ, мыхуыры фæрæзты постытæ, нымæцон медийы æмæ видеотæ Гуырдзыстоны тыххæй.

Афтæ хуынæг Roadshow-тæ ацæудзысты ахæм горæтты: Берлин, Франкфурт, Гамбург, Мюнхен, Париж, Лилль, Лион, Осло, Варшавæ, Вроцлав, Краков, Познань.  Кампанийы мидæг ис ориентаци æмæ инфлюенсеры туртæ Гуырдзыстоны.

Кампанийы фæлгæтты, алы мæй дæр алы базары 20-æй фылдæр потенциалон партнеримæ ныхас цæудзæн, уагъд æрцæудзысты семинартæ æмæ вебинартæ, уагъд æрцæудзысты фембæлдтæ авиакомпанитимæ æмæ дунейы раззагдæр туроператортимæ.

Гуырдзыстоны рапарахат кæнынæн æмахастытæ сырæздзæн куыд индивидуалон туристтимæ афтæ дæр стыр æхсæнадæмон туроператортимæ.

Уæрæхмасштабон маркетингон кампанийы фæлгæтты, цæттæ уыдзысты видеороликтæ, телеуынынады сюжеттæ, æрмæджытæ æмæ интервьютæ, цæмæй фæфылдæр уа туристты æрбацыд Гуырдзыстонмæ æмæ фæбæрзонддæр уа æмбарынад.

Ног кампанийы фæлгæтты, туризмы националон администраци, Британийы авиакомпанийы æмкуыстæй, Лондоны аэропорты экрантыл Гуырдзыстоны фæдыл видеотæ æмæ фотоколлажтæ æвдисы. Авиакомпанийы бæлццæттæн бортыл Гуырдзыстоны туристон потенциалы фæдыл 30 секундон видеотæ бакæсын сæ бон у.

Ацы кампаниты параллелæй, National Geographic бритайнаг базарæн Гуырдзыстоны фæдыл статьятæ цæттæ кæны. «Дунейы зындгонд бритайнаг хæринаггæнæг Джейми Оливер Гуырдзыстоны гастрономион туризмы потенциалы фæдыл видеоты ноджы иу сери бацæттæ кæндзæн» -ис фыст туризмы националон администрацийы фидиуæны.