Гуырдзыстоны националон туризмы администраци, балцыты брон кæныны платформæ «Экспедиа» æмæ балцыты медиа къорд Beautiful Destination-имæ иумæ, ног маркетингон кампани райдыдта.

Туризмы националон администрацийы информацийæ, кампанийы нысан у Гуырдзыстоны туристон имидж АИШ-ы, Стыр Британийы æмæ Германийы базарты позиционир кæнын.

Сæ ныхасмæ гæсгæ, брон кæныны платформæ Expedia деталон информаци дæтты Гуырдзыстоны туристон бынæтты, æрдзы, курортты, сæны æмæ гастрономийы тыххæй. Платформæйы фæрцы Гуырдзыстонмæ балц сплан кæнын æмæ цæрæнбынæттæ снысан кæнын.

«Райгом кæнут Гуырдзыстоны уникалон æрдз, хæрзад хæринæгтæ æмæ хъæздыг культурæ.Гуырдзыстоны тыххæй бирæтæ нæ зонынц, фæлæ йæ сымах ныридæгæн сбæрæг кодтат» – фыссы Expedia.

Туризмы националон администрацийы информацийæ, экскурсоводмæ хауы информаци ЮНЕСКО-йы культурон бынтæ, афтæ ма плангонд фестивалтæ, сæн æмæ кулинарон хæринæгтæ.

«Экспедийы веб-фарсыл ис баннертæ Гуырдзыстоны тыххæй, кæцытæ пайдагæнæгæн фадат дæттынц ахизын Гуырдзыстонæн сæрмагондæй арæзт сыфтæм æмæ брон кæнын.

«Рæсугъд нысаниуæгджын бынæтты» социалон каналты æдæппæт аудитори у 50 милуанæй фылдæр. Expedia-йæ пайдагæнджыты нымæц 46 милуанæй фылдæр у», -ис фыст информацийы.