Турчы цæгат-скæсæны мит æруарыд. Медийы информацийæ, горæт Ризейы хæххон районы температурæ карзæй æрхауд.

Ризе ис Сау денджызы былгæрон, Гуырдзыстоны арæнæй 120 километры дæрддзæф.

Бынæттон журналисты ныхæстæм гæсгæ, июлы мæйы уый размæ мит никуы уыд.

«Ризейы мах ахуыр стæм аномалион боныхъæды ивындзинæдтыл. Мартъийы нæм цалдæр хатты уыд их, фæлæ уыйбæрц никуы. Хистæр кары адæм зæгъынц, зæгъгæ, 30-40 азы размæ июлы мит федтой, фæлæ ахæм никуы», – банысан кодта бынæттон журналист.

Мит æппынкъаддæр 100 километры фæзуат бамбæрзта. Æппæты фылдæр къуылымпыдзинæдтæ æвзæрын кодта горæт Артвин.

Уыимæ иумæ бæстæйы æндæр рæтты дæр зынгсирвæзтытæ дарддæр судзынц. Уый фæстиуæгæн Измиры дыууæ адæймаг фæмард. Бынæттон хицауады бæрæггæнæнтæм гæсгæ, зынгсирвæзтытæн сæ фылдæр æрцыдысты хæлд электрон телтæй. 44 аххосджыны æрцахстой – сæйраджыдæр кусджытæ æмæ зæхкусджытæ.