Греци ракетон системæтæ сæвæрдзæн Турчы арæны цур Эгейы сакъадæхтыл – уый фæдыл Грецийы хихъахъæнады министр Никос Дендиас расидтис.

Дендиас расидтис, цæмæй ног проект «Ахиллесы щит»-ы фæлгæтты, Эгейы сакъадæхтыл æмæ Турк-Грекъаг арæныл æвæрд æрцæудзæн фондз хуызы ракетон системæ, кæцытæ æмбæрздзысты куыд денджыз, афтæ уæлдæфон тыгъдад дæр.

Фыццаг хатт Эгейы денджызы бахъахъхъæныны сæйраг бæрн ахиздзæн хæстон наутæй дард ракетон артиллерион системæтæм, кæцытæ æвæрд сты сакъадæхтыл æмæ материкы.

«Уый ссæрибар кæны флот, уæлдайдæр та нæ ног, стыр хъомысджын дæлхайæдтæ, статикон территориалон хъахъхъæнынады хæстæй», — бамбарын кодта Дендиас.

Туркаг медиа фыссы, цæмæй сакъадæхты хотыхджын кæнгæйæ, Греци Туркæн тæссагдзинад хæссы.