Иванэ Джавахишвилийы  номыл Тбилисы паддзахадон университеты  гуырдзиаг-ирон ахастыты  зонадон-иртасаг центр æмæ  Хуссар Ирыстоны  администраци, Лагодехы  муниципалиетты Арешпераны  æхсæнадон  скъолайы   банысан кодтой ирон æвзаджы бон.

Мадзалы хайад истой  Понайы, Цъицъкенаантсерийы, Мтисдзирийы æмæ Арешпераны скъолаты  ахуыргæнинæгтæ.

Æрымбырдуæвæг  æхсæнадæн  ирон æвзаджы бон  раарфæ кодтой, Иванэ Джавахишвилийы  номыл Тбилисы паддзахадон университеты  гуырдзиаг-ирон ахастыты  зонадон-иртасаг центры къухдариуæггæнæг,  филологийы доктор, профессор Беппиты Наирæ, Хусар Ирыстоны администрацийы  къухдариуæггæнæг   Санахъоты Дмитрий, бынæттон  хицауады минæвæрттæ  æмæ   Тбилисæй æрцæугæ   уазджытæ: падзахадон æвзаджы  департаменты  зонадон-рухсадон  программæты   куысты хистæр, профессор Тинатин Болквадзе, фидыд æмæ æмбæстагон æмсæрады  фарстаты министрады  уынаффæгæнæг Мека Хангошвили, ТПУ-ы  профессортæ Нино Попиашвили, Николоз Джавахишвили, Лагодехы  муниципалитеты  ресурсцентры къухдариуæггæнæг  Хатуна Швиштакашвили, Мтисдзирийы  скъолайы  директор Нана Мамукашвили  æмæ æнд.

Ацыд  æндæр æмæ æндæр типы  конкурстæ: чиныг аивадон кæсын, сæрмагонд æмдзæвгæ, радзырд, новеллæ; хъусгæфыст; тæлмац иронæй  гуырдзиагмæ, æмæ  гуырдзиагæй –ирон æвзагмæ;  конкурс калиграфийы, нывкæныны конкурс.

Уæлахиздзау ахуыргæнинæгты схорзæхджын кодтой æндæр  æмæ æндæр призтæй.