Гуырдзыстоны бафидауын æмæ æмбæстагон æмбарады фарстаты паддзахадон министр, Тея Ахвледиани, Сырх Дзуары Æппæтдунеон Комитеты (ÆÆКК) сæрмагонд минæвар Агнес Котхуимæ фембæлд. Паддзахадон министры аппараты информацийы куыд дзырдæуы, афтæмæй фембæлд уагъд æрцыд цæстдарæн форматы, кæцы арæзт æрцыд æбæрæгæй сæфт адæймæгты агурæн паддзахадон программæйы фæлгæтты приоритетон здæхтыты архайды координацийы тыххæй.

«Фарсытæ æркастысты интенсивон æмгуыстады фæстиуджытæм, æвæрццагæй саргъ кодтой 2024 азы дæргъы уагъд иумæйаг архайдтытæн æмæ къухы бафтыд прогрессæн». Афтæ дæр æбæрæгæй сæфт адæймæгты агуырд æмæ сæ бинонтæн æххуыс кæныны программæйы фæлгæтты цæугæ азæн приоритеттæ снысан кодтой æмæ æруынаффæ кодтой фидæны æмгуыстады размæцыды цæстæнгасыл.

Фембæлды рæстæджы бахахх кодтой программæйы æнæфæцудгæдзинад æмæ агурæн процессы эффективондзинад иумæйагæй сифтонг кæныны ахсджиагдзинад, кæцыйы фæдыл фарсытæ равдыстой сæ цæттæдзинад адарддæр кæнын æнгом æмгуыстад» -ис фыст паддзахадон министры аппараты хъусинаджы.