Фидыды   æмæ æмбæстагон  æмсæрады  фарстаты  Гуырдзыстоны  паддзахадон министр  Тея Ахвледианийы  хуындæй  30-31 январы   Гуырдзыстонмæ  кусæн визитæй æрцæудзæн  Молдовæйы Республикæйы  вице-премьер  реинтеграцийы фарстаты, Олег Серебрян. Информаци хуъсын  кæны  паддзахадон министры аппарат.

«Визиты нысан у  паддзахадон   министры  аппараты æмæ   Молдовæйы Республикæйы  реинтеграцийы  бюройы  æхсæн   æмгуыстад фæарфдæр кæнын, афтæма  ахастытæ  райтынг кæнын Гуырдзыстоны  хицауады  æндæр æмбæлон   уагдæттимæ æмæ  фидæнон  æмгуыстады къахдзæфтæ  сплан кæнын.

Визиты фæлгæтты  Молдовæйы вице-премьер  фембæлдтæ ауадздзæн   Гуырдзыстоны  премьер-министримæ æмæ  хицауады  æндæр уæнгтимæ,  парламенты  сæрдаримæ, территорион  æнæхъæндзинад сног кæныны  æмæ  деоккупацийы фарстаты   рæстæгмæ  комиссиы  къухдариуæггæнæгимæ, æмæ   æндæр  парламентартимæ, афтæма  æнæхицауадон  организациты  минæвæрттимæ  æмæ  эксперттимæ.  Визиты фæлгæтты  афтæдæр плангонд у  Цхинвалы регионы æрдæм  оккупацион  хаххы  фенын.

Фембæлды фæлгæтты план кæны  конфликты сабырæй аскуыддзагы  фарстатимæ баст  Гуырдзыстоны  фæлтæрддзинадимæ æрзонгæ кæнын æмæ   Гуырдзыстоны  хицауады  сабырадон  политикæйы   цыдимæ базонгæ кæнын, афтæма  информацийы  баивд оккупацигонд Гурдзыстоны   регионы æмæ Молдовæйы  Республикæйы   Днестргæрон   регионы уæвæг   уавæры фæдыл», –   банысангонд у  фидыды æмæ  æмбæстагон æмсæрады  фарстатыл  Гуырдзыстоны  паддзахадон   министры  аппараты   информацийы.