Вакейы районы, Бетанийы, къахдзоныгътыл бырыны курорт арæзт æрцæудзæн. Проекты фæлгæтты территорийыл сырæздзæн 500 метрон лыжæтыл бырыны фæндаг, кæцыйæн æнæхъæнæй сног уыдзæн уæвæг инфраструктурæ.

Реабилитацигонд æрцæудзæн æддейы рухсдæттæн хызæг æмæ дзы сæвæрдзысты сæрмагонд цырæгътæ æхсæвыгон лыжæтыл бырынæн. Курорты ма уыдзæн нырыккон къахдзоныгътыл бырыны подъёмник, искусственон ихуарæн системæ æмæ райдайджытæн змæлгæ коврик.

Тбилисы мэр Каха Къаладзе æмæ вице-мэр Гиоргий Ткемаладзе плангонд проектимæ базонгæ сты, кæцыйы Тбилисы транспорт æмæ горæты арæзтады агентад сæххæст кæндзæн.

«Мах активонæй æмгуыст кæнæм «Хæххон фæндæгты» агентадимæ, цæй тыххæй сын зæгъын бузныг.Сæ фæлтæрддзинадæй дих кæнын бындуронæй нысаниуæгджын у.Уыдон ма фæндон бахастой, цæмæй арæзт æрцæуа искусственон уæлцъар, кæцы нын фадат ратдзæн æндæр сезонты дæр къахдзоныгътыл бырынæн.Инфраструктурæ уыдзæн æххæстæй ифтонггонд, кафетæ, бартæ æмæ афтæ дарддæр», -расидтис Каха Къаладзе.

Проекты нысан у зымæгон спорты хуызты рæзын кæнын, туристон потенциал фæбæрзонддæр кæнын, æмæ Тбилисы цур рекреацион инфраструктурæ саразын. Курорт ахъаз уыдзæн куыд бынæттон цæрджыты куыстæй сифтонг кæнынæн, афтæ экономикон æмæ социалон архайды рæзтæн дæр.