Ноджы иу рæтæн фæндаг скусдзæн Тбилисы, кæцы Сæрибары фæз æмæ Таборы къæдзæх баиу кæндзæн. Тбилисы мэрийы информацийæ, Гуырдзыстоны туризмы размæцыды фонды æххæстгонд проект абон сæйраг сахары мэр, Каха Къаладзе, Гуырдзыстоны премьер-министр Ираклий Къобахидзеимæ иумæ басгæрста.

Премьер æмæ Тбилисы мэр афтæ дæр базонгæ сты уазæгдон «Параграф Табори»-йы арæзтадимæ, кæцы кæронбæттæн этапыл ис, Таборы къæдзæхыл. Проекты фæдыл информаци уазджытæн Гуырдзыстоны туризмы размæцыды фонды æххæстгæнæг директор Гиоргий Байдарашвили бавдыста.

Рæтæн фæндаг ахиздзæн Сæрибары фæзуатæй Таборы къæдзæхмæ æрмæстдæр цалдæр минуты.

Тбилисы мэрийы информацийы куыд банысан кодтой афтæмæй, рæтæн фæндагыл ис дыууæ секци æмæ æнæхъæнæй 34 гондола. Рæтæн фæндаджы дыууæ хайы дæр сахаты мидæг ласынц 1000 бæлццоны.

Сæйраг горæты мэрийы информацийæ, рæтæн фæндагы проект, кæцыйы аргъ у 20 милуан АИШ-ы доллар, Гуырдзыстоны туризмы рæзынады фонд сæххæст кодта.