Тынг дзæбæх прогресс нын ис Азербайджанимæ нæ  ахастыты  нормализацийы  æрдгæй – уый фæдыл  Сомихыстоны  премьер-министр, Никол Пашинян  Евразийы  экономикон цæдисы саммитыл    райхъусын кодта.

Сомихаг медиайы  информацийæ,   Сомихыстоны  хицауады къухдариуæггæнæг   сбæлвырд кодта, цæмæй  Сомихыстон æмæ Азербайджан æрныхас кодтой кæрæдзийы терирторион æнæхъæндзинад банымады фæдыл.

«Уырдæйг рацæугæйæ,  тынг дзæбæх  прогресс нын ис  ахастыты  нормализацийы æрдгæй.   Ацы контексты  Уæлхох Къарабахы  цæрджыты æдасдзинад æмæ   бартæ  иттæг нысаниуæгджын фарста у æмæ мæ ныфс ис, тагъдрайдайдзæн  нормалон    æмæ конструктивон  диалог Баку æмæ Степанакъерты  æхсæн æхсæнадæмон механизмты  фæлгæтты», – райхъусын кодта Никол Пашинян.