Силвио Диоменте – уавæр  фæдисон у æнæрмæст Гуырдзыстоны, фæлæ ма æнæхъæнæй  регионы, хицауад рискытæн æмбæлгæ аргъ хъуамæ  ратта
Силвио Диоменте – уавæр фæдисон у æнæрмæст Гуырдзыстоны, фæлæ ма æнæхъæнæй регионы, хицауад рискытæн æмбæлгæ аргъ хъуамæ ратта

Æнæниздзинад хъахъхъæнынады æппæтдунейон организацийы  минæварады къухдариуæггæнæг  Силвио Диоментейы фидиуæнæй, зæгъгæ,  эпидемиологион  уавæр  æнæрмæст Гуырдзыстоны, фæлæ ма  æнæхъæн  регионы фæдисон у.

Афтæма йæ ныхæстæм гæсгæ, зæгъгæ фæнысангонд уавæры æнæмæнгхъæугæ у  хъус дарын  æмæ  рискытæн аргълæвæрды фæдфæдонæй æмбæлон мадзæлттæ  райсын.

Эпидуавæрыл  ныхасы рæстæджы  Силвио Диоменте  йæ хъусдард раздæхта  вакцинацийы нысаниуæгы рдæм.

«Фæстæмæ та ныллæг у вакцинацийы бæрæггæнæн.  Тынг цъус бæстæтæ ис  вакцинаци æнтыстджынæй  кæм ацыд ахæмтæ,  регионы дæр вакцинацийы æмвæз 10 процентæй  ныллæгдæр у.  Нæ рекомендаци у, цæмæй сентябрмæ  цæрджыты иууыл цъус  10% уæддæр  уа низы ныхмæ  æфтыд,  декабрмæ  40%, иннæ азы  сæрдмæ та, глобалонæй  цæрджыты 70%, стæй суыдзæн  вакцинаци эффективон.

Фæзындис нын ног дельта-вариант, кæцы  циркуляци кæны  ацытæккæ, афтæ куыд альфа, бета æмæ æнд варианттæ. Тобæтæ сфидар кæныны  æмæ фенцондæр кæныны уынаффæ   у хицауады  аскуыддзаг кæнинаг, кæцы баст у  рискытæн аргълæвæрдимæ.  Алы бæстæ архайы  афтæ эпидемиологион уавæры, æнæнизхъахъхъæды сектор фæразондзинады фадæтты, вакцинацийы  æмæ æндæр фактортæм гæсгæйæ. Хицауад рискытæн аргъ хъуамæ скæна  локалонæй  æмæ уымæ гæсгæйæ  рахæсса  уынаффæ.  Рекомендаци у, сыххæст кæнæт  æмбæлгæ аргълæвæрд. Приоритет хъуамæ уа  вакцинаци», –   райхъусын кодта Силвио Диоменте.

Ныууадз комментари