Сенаты республикагтæ рауадзынц цалдæр проекты номхыгъд, кæцытæ финансгонд цæуынц USAID-ы æрдыгæй. Номхыгъд публикацигонд æрцыд Сенаты республикагты социалон медийы фарсыл.

Номхыгъды ис фыст, цæмæй «Делойтæн» Гуырдзыстоны  транспорты рæзтæн рахицæн кодтой 25 милуан доллары бæрц.

Афтæ дæр, Казахстаны дезинформацийы ныхмæ тохæн 4,5 милуан доллар рахицæн æрцыд, Иракы сывæллæтты телеуынынадæн та 20 милуан доллар рахицæн æрцыд.

Сенаты республикагты ныхæстæм гæсгæ, æндæр проектты финанскæнынадæй уæлдай ма, USAID рахицæн кодта 20 милуан доллары фæдагуырдон журналистикæйы æххуысы программæйæн, организацигонд фыдракæндтæ æмæ коррупцийы тыххæй хъусынгæнæн проектимæ (OCCRP) æмгуыстады; 1,1 милуан доллары ЛГБТ къордтæн  Сомихы; 1,5 милуан доллары Кубæйы медийы æрдзон уавæр сног кæнынæн; 2,1 милуан доллары ВВС-æн, цæмæй фæфидардæр уа медиа-æрдзон уавæр Ливийы; Ныгуылæн Балканы ЛГБТ-ты фарстатæн 3,9 милуан доллары.

Уымæй дарддæр ма, Урс Хæдзар ныммыхуыр кодта цалдæр дæнц USAID-ы æхцайы фæрæзтæй æнæзакъонæй  спайда кæныны тыххæй. Урс Хæдзар банысан кæны, цæмæй номхыгъд у дæргъвæтин æмæ ахæм проекттæ дæсгай азты дæргъы финансгонд цæуынц. АИШ-ы администрацийы сидынц, цæмæй Дональд Трампы президентады рæстæджы, æхцайы фæрæзтæй æнæхъуаджы хардз кæнын, сайд æмæ æнæраст пайда кæнын кæрон уыдзæн.