Цæугæ азы  аст мæйы мидæг Гуырдзыстонæй  дунейы  59 бæстæмæ   65 милуан  авг  сæн уыд экспортмæ  хаст.  Информаци уый фæдыл  хъусын кæны  сæны националон агентад.

Афтæма сæ информацийæ, цæугæ азы январ-августы Гуырдзыстонæй   экспортиргонд  сæнæй  æфтиаг  145 милуан  АИШ доллармæ  хæццæ кæны, кæцы  ивгъуыд азы  аналогион  бæрæггæнæнтæй 13%-æй фыылдæр  у,19%-æй райрæзтис  экспортиргонд сæны бæрц дæр. Гуырдзиаг сæны стратегион  базартæм экспорты рæзты  динамикæ æнæивгæ у: Польшæ – 29%(3638057), Китай – 9% (3373517), Латви -4% (1119219), Лиетувæ – 56% (675510), АИШ – 26% (700696), Германи – 23% (553852), Стыр Британи – 73% (435 264).

Гуырдзиаг сæны экспортон  бæстæты фыццаг фондзы тыххæй куы зæгъæм, уæд адон сты:  Уæрæсе, Украина, Польшæ, Китай  æмæ Хъазахстан.

Гуырдзыстонæй  æндæр æмæ æндæр бæрцæй  сæны экспорт  368 компани  сыххæст кодта. Уыимæ сæны националон  агентады  бæрæггæнæнтæй, хыгъдон  периоды, экспортиргонд у 22 милуан авг (0,5 л) бренди, кæцы  21%-æй фылдæр у  2020 азы аналогион  бæрæгæнæнтæй.  Брендийы экспортæй  æфтиаг  40,3 млн АИШ доллармæ ахæццæ ис (рæзт 8%).

Экспортмæ хаст уыд 570 мин авг (0,5л)  чъачъа, экспорты рæзт  115% аххæссыд.  Чъачъайы экспортæй  æфтиаг  1,3 млн  АИШ доллармæ хæццæ кæны;  рæзт  ивгъуыд  азы  аналогион  периодимæ  абаргæйæ  91% уыд.

Агентады хъусинагæй, сæны, брендийы, чъачъайы, брендийы  спирты æмæ кæнгæ брендийы  экспорты фæстиуæгæн  æфтиагы бæрц у 234 млн АИШ доллар, кæцы  18%-æй  фылдæр у  ивгъуыд азы аналогион  периоды бæрæггæнæнтæй.