London Wine Fair, сæны æмæ спиртты æппæтдунеон равдыст, гуырдзиаг продукциуадзæгæн нысаниуæгджын платформæ у ног базарадон партнертæ ссарыны, сæны рапарахат кæныны æмæ экспорты рæзты æрдгæй. Лондоны уагъд цæуы 1981 азæй фæстæмæ, равдыст нымад у сæны индустрийы сæйраг мадзæлттæй иуыл. Традицион æгъдауæй йæм æрбацæуынц мингай уазæг æппæт дунейæ, уыцы нымæцы сæны эксперттæ, сæны базарады минæвæрттæ æмæ медиа.

Сæны националон агентады информацийæ, равдыст бабæрæг кодта Стыр Британийы Иугонд Паддзахады æмæ Цæгат Ирландийы  Гуырдзыстоны уæлвæткон æмæ æххæстбарджын минæвар Илья Дарчиашвили. Гуырдзиаг амалхъом адæймæгтæ афтæ дæр райстой фарсылхæцындзинад Стыр Британийы Гуырдзыстоны минæварадæй 2026 азы Лондоны сæны армукъайы хайадистæн.

Равдысты фæлгæтты, бритайнаг компани Swirl Wine Group-ы къухдариуæггæнæг æмæ сæны дæсны Сара Эббот, сæны индустрийы профессионалтæн гуырдзиаг сæны æртæ презентаци æмæ дегустаци сарæзта.

Иугонд Паддзахад у дунейы стырдæр сæн импортгæнæг æмæ хардзгæнæг бæстæтæй иу. Уый 2014-æм азæй нымад цæуы гуырдзиаг сæны стратегион экспортон базарыл. Сæны националон агентады æнæфæцудгæ æмкуыстдзинады руаджы, Гуырдзыстоны сæны экспорты æнæфæцудгæ рæзты тенденци сфидар ис. Гуырдзыстонæй Стыр Британимæ 2026-æм азы январæй апрелмæ 116 500 литры онг сæн æрвыст æрцыд, кæцы 2025-æм азимæ абаргæйæ 18% фылдæр у.