Америкæйы  Иугонд  Штатты   президенты, Дональд Трампы  2021  азы  бюджеты проект, æддаг æххуысы  21  процентæй  фæкаддæр кæнын   дары  йæ хъуыдыйы.  Уый тыххæй  информацийы   агентад «Ройтер»   хъусын кæны.

Медиафæрæзы  хъусинагæй,   2021  азы  финансон  афæдзы  бюджеты проект   абон  æрцæудзæн публикацигонд. Æддаг æххуысæй  уæлдай,  документы мидæг афтæдæр уыдзæн  социалон  хъахъхъæдады  прогреммæты фæкъаддæр.

Трампы  инициативæйæ, 2021  азы,  æндæр бæстæтæн   æххуыс 55.7  миллиард долларæй   44.1  миллиарды  онг   хъуамæ  фæкаддæр уа.  Æнæивгæ баззайдзæн  Украинайæн  2020 азы  бюджетæй   бæлвырд  æххуыс.   Документмæ гæсгæйæ,   150  милуан  долларæй,   700 милуан доллары  онг хъуамæ  фæфылдæр уа, АИШ-ы  æхсæнадæмон  райрæзты  финансон  корпорацийы (DFC)  финансдзинад,  кæцы здæхт  уыдзæн  Уæрæсейæ æмæ Китайæ   цæугæ  экономикон  тасы ныхмæ.

Бюджеты  проектæй,   1.1  миллиард бахардз уыдзæн  киберæдасдзинадыл.

2021  азы  Дональд Трамп  фæфылдæр кæндзæн   инфраструктурон   проекттæ æмæ  хъахъхъæнынады   финансдзинад.   Сæрмагондæй  та  æфсæддон хардзты райрæзын кæнын 0,3 процентæй  пълан кæны.  Афтæмæй,   АИШ-ы  хъахъхъæнынады  хардзтæ   740  миллиард долларæй  фылдæр уыдзæн.

Документæй  афтæдæр  у  рахицæнгонд суммæ  Мексикæ-АИШ-ы  арæны  сис арæзтадæн, фæлæ  раззаг азимæ абаргæйæ 8.6 миллиард  доллары  бæсты, ацы  суммæ  уыдзæн  2  миллиард доллары. Дональд Трампы  администрацийы   нысан у, фидæн 10 азы  мидæг  хардзты   4.4  триллион  долларæйы фæкъаддæр кæнын.